Còmhradh

Ciurm-dhealbh 1945

2007-11-27T12:30:00.000-05:00

Bha mi aig cuirm-dhealbh 1945 ann an talla a' bhaile bhig an t-seachdain seo chaidh. Bha e math fhèin. Choimhead sinn air dà dealbhan-àbhachdais bho 1945, film-naidheachd bho 1945 agus “I know where I’m Going” – film mòr, dèante ann am Muile ann an 1945 agus roghainn film Beathag (dèan sùil air a' bhlog aice anns an Giblean 2006). Bha cuimhne aig cuid anns an talla aig an àm nuair a rinneadh an film. Dh’innis iad rinn mu dheidhinn an inneil-cheò mhòir agus an sgioba-film mhòir agus an ullachaidh-bìdh. Bha eadar-ama am meadhan an fhilm airson srùpag. Bha sin math cuideachd.

Bha an talla làn agus chòrd e ris a h-uile duine gu mòr.

"is thog iad àiteachan parcaidh"

2007-10-05T12:43:00.000-04:00

A bheil cuimhne agad Bob Dylan neo Joni Mitchell a' seinn, "They paved paradise and put up a parking lot"? Ann an Champaign, Illinois, bidh iad a' leagail leabhar-lann is an uairsin bidh iad a' togail àiteachan parcaidh. Carson a tha sinn uile air ar togail? Uill, airson aon bhiadhna tha iad air a bhith a' togail leabhar-lann ùr ri taobh an leabhar-lann aosda. Mu dheireadh thall, tha an leabhar-lann ùr gu bhith deiseil. Thèid na leabhraichean a ghluasad dhan leabhar-lann ùr ann am meadhan na Dùbhlachd is an uairsin thèid an leabhar-lann aosda a leagail. Anns an àite sin bidh iad a' togail mòran àiteachan parcaidh. Tha an togalach làthaireach aosda, ro bheag dhuinn-sa is uamhasach grannda. Bidh sinn uile, na daoine a bhios ag obair anns an leabhar-lann is na daoine a' fuireach ann an Champaign, gu math toilichte nuair a bhios an leabhar-lann ùr againne fosgailte. (an leabhar-lann ùr,clì; am fear aosda, deas)

Budhaigean

2007-04-10T19:48:00.001-04:00

Tha na budhaigean air ais. Bha mi ann an Stafa (eilean beag faisg air Muile) Disathairne. Agus thàinig na budhaigean air tìr - 's ann a' chiad àm a bha iad air tìr am bliadhna. 'S toil leam na budhaigean gu mòr. Tha iad gu math soitheamh 's càirdeil. Agus tha coltas comaig orra. Nach eil iad snog?

cartadh cèiteanach

2007-03-24T09:46:00.000-04:00

'S dòcha gu bheil mi beagan leisg, ach chan àbhaist dhomh an cartadh cèiteanach a dhèanamh. Co-dhiù, dh'imrich mi dìreach sia no seachd seachdainean air ais is tha am flat agam buileach glan fhathast. A dh'aindeoin sin, thuirt an uachdaran ris a h-uile duine a tha a' fuireach anns an togalach seo gur h-e an t-àm a th’ann airson an steall biastag bliadhnail. Air an adhbhar sin, feumaidh sinn a h-uile rud a thoirt a-mach às a' chidsin roimhe madainn Chiadain. Uill, rinn mi sin. Thàinig an steallaire biastagan is an-dràsda, feumaidh mi a h-uile rud a chuir air ais! Abair bùrach! Càit' a bheil a’ phoit teatha?

Soraidh leis na beanntann

2007-03-07T18:35:00.000-05:00

O chionn dà mhìos dh'imrich mi bho Thennessee a dh'Illinois, àite far nach eil beantann ann idir. Tha mi ag obair pàirt-thìde ann an leabharlann, an aon leabharlann far a bheil mo phiuthar ag obair, is ‘s toigh leam a bhith an seo. Cha robh mi air luchd ionnsachaidh Ghàidhlig lorg san àite seo fhathast, ach tha beagan dhiubh ann am baile nach eil fad air falbh. Chaidh mi ann an deireadh seachdain sa chaidh is choinnich mi riutha. ‘S dòcha gum bi iad a’ tighinn an seo an ath mhìos.

Reobhart Muir-Làn

2007-02-23T20:20:00.000-05:00

Bha mi air tìr-mòr Diluain leis a’ bhan againn. Nuair a thill mi do Mhuile Dimàirt, ‘s e reobhart muir-làn a bh’ann – ‘s dòcha an reobhart as làn dhen bhliadhna (chan eil mi cinnteach). Co-dhiù, bha e uabhasach làn agus bha an “link-span” (an rathad eadar a’ chidhe agus a’ bhàt-aiseag) fon uisge, agus feumaidh a h-uile duine draibheadh tron uisge.

Latha Nollaig agus Oidhche Challain

2007-01-19T14:15:00.000-05:00

Ru-ra: Uill, a chàirdean. 'S fhada bhon a bhruidhinn mi ribh. Nollaig chridheil agus bliadhna mhath ùr dhuibh agus mòran dhiubh! Dè rinn sibh Latha Nollaig agus Oidhche Challainn agus Latha na Bliadhna Ùire? Uill, sinne, rinn sinn an àbhaist. Thàinig an teaghlach dhan taigh againn Latha Nollaig agus dh’ith sinn cus, ach bha spòrs agus mireadh againn. Agus Oidhche Challainn ... mo roghainn oidhche ... dh’fuireach sinn aig an taigh againn gu meadhan oidhche. An uair sin, chaidh sinn air ceilidh air taigh sam bith a bha solas aige. Chaidh sinn dhan leapannan againn mu seachd uirean ‘sa mhadainn. Dh’èirich sinn am feasgar sin agus lean sinn air na cèilidhean. Agus, dè mu ur deidhinn? Dè rinn sibh?

Cam: O mo chreach, a Rù-ra! Bha thu trang aig àm Nollaig gu dearbh. Bha na laithean sin nas sàmhaiche dhomhsa ged a bha mòran spòrs agam is aig mo theaghlach. Chur mo mhac Caleb dola gu Molly, mo phiuthair. Uill, a dh’innse na fìrrin, ‘se cumadh beag fiodha a th’ann, mu throigh an àirde. Ghabh sinn ainm air is rinn sinn aodaich le pìosan pàipeir air a shon.
Seo agad Bruce air Cadillac Mountain ann am Maine (dealbh a rinn duine mo pheathar). Chithear gun robh sinn gu math trang cuideachd!

Agus dè a rinn thusa, a Bheathag? An robh thu trang neo sàmhach aig àm Nollaig?

Beathag: Cha robh sinn sàmhach idir, a Cham! Bha seo ar ciad Nollaig còmhla ri Nora (ar leanabh bòidheach) agus Nate, mac beag mo phiuthar. Bha Nora trì mìosan a' dh'aois air Oidhche Nollaig, agus tha Nate mu chuairt air sia mìosan a' dh'aois. Chan eil Vic (ar mac) ach trì bliadhnaichean... mar sin, bha na saor-làithean glè thrang is aighearach. Seo Nora agus Nate:

Dh'fhuirich sinn aig taigh mo phàrantan ann an West Virginia ùine mhòr. Thàinig Bodach na Nollaig an siud, agus thug e mòran leabhraichean agus giotar beag do Vic. (Chan eil Vic na spùinneadair-mara an-diugh... 's e "rockstar" a th'ann!)

Às dèidh sin chaidh sinn air ais gu Virginia airson Oidhche Challainn a chumail còmhla ris na pàrantan aig an duine agam. Bha spòrs againn.

Seo caraid ùr aig Vic -- luch mhòr le coineanach beag ann an màla-droma aige. 'S e "Caiptean Sabhs-Ubhal" an t-ainm a th'air, agus rinn mi mi-fhìn e mar tiodhlac nollaige airson balach beag math. (Ach dè an t-ainm a th'air an coineanach sin? Tha Vic a' smaoineachadh gu bheil e coltas ri uan; mar sin, 's e "Lamby" an t-ainm a th'air. Obh uill.)

mo mhac

2006-11-10T11:52:00.000-05:00

Seo mo mhac Caleb agus e a’ dèanamh cleasachd. Nach eil e snog? ‘S e an-diugh an co-latha breith aige - tha e sia air fhichead. Tha Caleb a’ fuireach ann an Tennessee a-nis ach bidh e ag imrich an ath bhliadhna airson a bhith na fhor-cheumnaiche. Càit’ a bhios e a' dol? Chan eil fios againn fhathast.

Nach e amadan a th'annam

2006-11-06T01:24:00.000-05:00

An t-seachdainn seo chaidh bha mi anns an Òban. Bha Oidhche Phàrantan aig an Àrd-Sgoil agus bha agam ri fuireach ann an leabaidh ‘s breacaist anns an Òban an oidhche sin. (Falbhaidh an ath-bhàt-aiseig Muileach aig 4.00f anns a’ gheamhradh.)

Bha agam ri a’ cheud bhàta a bheirsin an ath latha. Mar sin, dh’feumainn èirich aig 6.30m. Tha uaireadair-dùsgaidh anns an fhòn-laimh agam. Rinn mi cinnteach gun robh an uaireadair-dùsgaidh aig 6.30. Thug mi sùil air a-rithist – bha, bha e aig 6.30 ‘sa mhadainn. Fhuair mi cinnt air a-rithist – bha, bha an uaireadair-dùsgaidh air. Mar sin, chaidh mi dhan leabaidh agus thuit mi ann an suain.

Anns a’ mhadainn … brrr, brrr … dhùisg an fhòn mi. Dh’èirich mi, ghabh mi frasair, chuir mi aodach umam, sheall mi ris an uaireadair-làimhe agam. Bha e 5.55m. 5.55m!! Ach, ciamar? Dhùisg an uaireadair-dùsgaidh mi aig 6.30m. An uair sin, choimhead mi air an fhòn-laimh, cha do dh’atharachadh mi an uair nuair a chaidh na gleocan air ais airson a' gheamhraidh. Abair amadan!

Oidhche Shamhna

2006-10-30T19:58:00.000-05:00

Cam: Feumaidh mi poca mòr suiteis a cheannachd a dh'aithghearr air sgàth 's gun tig Oidhche Shamhna. Chan eil mòran chloinne a' fuireach anns a choimhearsnachd agam ach tha tòrr oileannach ann is 's toigh leotha suiteis cuideachd. Dè a nì sibh airson Oidhche Shamhna?

Beathag: A bheil oileannach a' "trick-or-treating" anns a' choimhearsnachd agad, a Cham? Abair aghaidh! Tha mòran, mòran chloinne òga a' fuireach anns a' bhaile againn, agus bidh iad ag iarraidh suiteis air Oidhche Shamhna.

Tha culaidh-choimheach aig Vic, ar mac: bidh e na neach-smàlaidh (còmhla ri iomadh duine anns an teaglach agam, gu fìrinneach). Cuiridh mi dealbh dheth air a' bhlog a dh'aithghearr!

Ru-ra: 'S ann ann am Muile a bhith Oidhche Shamhna a' còrdadh ris a' chlann gu mòr. Bidh iad air a h-èideadh mar bhana-bhuidseach neo thannasg neo rud sam bith eagalach. Tadhailidh iad air a h-uile taigh anns a' bhaile-beag agus gabhaidh iad òran eagalach neo aithrisidh iad bàrdachd eagalach. Agus bheir an neach-taighe dhaibh suiteas neo ubhal neo cnòthan.

Cam: Uill, a chàirdean; tha mi’n dòchas gum bi suiteas gu lèor agaibh. ‘S dòcha bidh mise ann an culaidh-choimheadh a’ tighinn dhan taigh agaibh a dh'aithghearr!

Nora, mo leanabh

2006-10-17T12:25:00.000-04:00

Teachdaireachd ghoirid bhuam, mu dheireadh thall...

Seo mo nighean bheag! Chan eil i ach trì seachdain a dh'aois. 'S e "Eleanor," no "Nora" an t-ainm a th'oirre agus cha chreid mi nach eil i bòidheach -- creutair maoth, mìorbhaileach is gràdhach. (Tha Mamaidh a' smaoineachadh gu bheil, co-dhiù!)

Tha sinn uile gu math agus glè shona.

Smeuran

2006-09-30T15:37:00.000-04:00

Ru-ra: Am bliadhna seo tha smeuran gu leòr ann. Bha mo mhac agus mi-fhìn a’ buain tòrr smeuran an deireadh-seachdainn seo chaidh. ‘S ann an trì puinnd de smeuran a b’urrainn dhuinn a bhuain a h-uile deich mionaidean. Mar sin bha mi gu math trang anns a’chidsin: rinn mi ceicean-smeura, reòiteag smeura agus mìlseanan smeura eile. Nì mo mhàthair sìlidh, ach cha dean mise. Dh’fheuch mi dà uair sìlidh a dhèanamh: uair bha e mar tofaidh agus an uair eile bha e mar sùgh!

Cam: Obh, a Rù-ra. Gu dearbh ‘s toigh leam smeuran is bhuaininn iad o chionn fhada nuair a bha mo chuid clann òg. Bhuaineamaid smeuran is cuideachd sùbhaichean-làir is sùbhaichean-craoibh - dubha is dearga, is dhèanainn sìlidh is pàidhichean. Sna làithean seo ged a ‘s toigh leam smeuran fhathast, cha buainidh mi iad gu tric. A dh’innse na fìrinn, cheannaich mi bocsa dhiubh anns a’ mhadainn an-diugh.

Ru-ra: 'S toil leam sùbhaichean-craoibh gu mòr. Ach chan eil iad a' cinntinn ach ann an gàrraidhean. Chan fhaca mi subh-craoibh fiadhaich a chinntinn ann am Muile riamh. Tha beagan sùbhaichean-làir fiadhaich an seo ged-tà, ach cha mhòr ann. Bidh sinn a’ buain cnòthan-challtainn a dh'aithghearr cuideachd. A bheil iad agad ann an East Tennessee?

Cam: Uill, tha, tha iad ann, ach cha robh mi a' buain iad a-riamh. Tha cnothan eile ann an seo cuideachd, gall-cnothan is pecans. Tha mi duilich; 's Carya pecan a th'orra anns an Laideann, ach chan eil fios agam an t-ainm aca anns a' Ghàidhlig. 'S dòcha chan eil iad a' fàs ann an Alba. A bheil fios aig neach sam bith?

Càit' an robh mi?

2006-09-15T11:00:00.000-04:00

Air an 20mh dhen Lùnastal dh’fhàg mi an taigh agam ann an Tennessee tràth sa mhadainn is shiubhal mi fad an latha air itealan is bus. Chaidh mi dhan àite far an robh Gàidhlig aig a’chuid bu mhotha dhen daoine anns an naoidheamh linn deug is cluinnear i fhathast san latha an-diugh. An urrainn dhuibh ainm a’ bhàt’-aiseig anns an dealbh seo a leughadh? (Se "Caolas Sìlis" a th'ann.) Anns an àite seo chuala mi iomadh còmhradh is òran Gàidhlig. Anns an àite seo tha mòran dhaoine aig a bheil ainmean leithid MacNèill, MacIllEathainn, is MacChoinnich is tha na daoine ro phròiseil às an dualchas Albannach aca.

Càit’ an robh mi?

Toradh nan Deuchainn Àrd-Ìre

2006-08-08T16:20:00.000-04:00

Rainig toradh nan deuchainn Àrd-Ìre an diugh agus ... fhuir mi "A" ann an Àrd-Ìre Ghàidhlig. Ho rò!

'S dòcha gabhaidh mi deoch bheag a-nochd.

Bha North Carolina làn Gàidhlig

2006-08-02T18:00:00.000-04:00

Aig tòiseach an Iuchair chaidh mi a North Carolina airson bùtha-obrach Gàidhlig. Bha 47 oileanach is 5 tidsearan ann agus bha an t-seachdain math math. Bha clasaichean òrain is cànain againn agus bha tìde ann airson spòrs is fealla-dhà cuideachd. Aig deireadh na seachdaine bha am Mòd North Carolina ann. Anns an dealbh seo, air an taobh chlì, chì sibh Ceana Chaimbeul is Fiona NicChoinnich, a bha nam breitheamhan. An aithne dhuibh am boireannach air an taobh dheas? ‘S e “CuisMhagaidh” agus ‘s e seinneadair math dha-rìribh a th’innte.

Ceilidh Idhe

2006-07-23T21:30:00.000-04:00

Bha ceilidh ann an I Chaluim Chille dihaoine. Seòlaidh am bàt'-aiseig Chaledonian Mhic a' Bhruithainn mu dheireadh eadar Muile & I aig 6.00f. Ach thog am bàta Stafa daoine bho Mhuile gu I aig 7.30f airson na ceilidhe. Bha pìobairean a' feitheamh aig a' chidhe Idhe. Nuair a ràinig am muinntir Mhuile, thàinig a h-uile duine an dèidh na pìobairean agus choisich sinn uile do Thalla Idhe.

An uair sin thòisich a' cheilidh. Agus abair ceilidh! Bha ceòl gu leòr: pìobaireachd, seinn, bogsa, giotàr; agus sgeulachdan & fealla-dhà. Aig 9.30f ghabh sinn srùbag agus an uair sin thòisich an dannsa. Bha e math dha rìribh. Rìdhleachan agus a h-uile dannsa air www.scottishdance.net .

Aig 12.45m threòraich na pìobairean sinn gu far an robh am bàta a' feitheamh agus shèol sinn air ais gu Muile ... anns an dorchadas ... sheinn pìobaire a phìob ann an deireadh a' bhàta.

Is mise antaidh!

2006-07-06T19:15:00.000-04:00

'S e piuthar-màthar a th'annam mu dheireadh thall! Rugadh mo mhac-peathar beag Didòmhnaich sa chaidh ann an Lexington, Kentucky. 'S e Nathaniel, no "Nate" an t-ainm a th'air. Tha falt ruadh air, coltach ri athair is a mhàthair, agus tha e sàmhach is cho milis ris a' mhil -- gu seo...

Seo dealbh an leanaibh. (Agus 's e duine air leth sona a th'ann an mo bhràthair-céile, cuideachd.)

A mhic mo pheathar, fàilte dhan t-saoghal mhòr.

An Leabharlann

2006-07-03T22:20:00.000-04:00

Chaidh mi dhan leabharlann an diugh. Uill, thàinig an leabharlann thugamsa. Bidh bhan an leabharlainn a’ tighinn an seo gach 4 seachdain airson uair gu leth.

Na tunnagan agamsa

2006-07-02T13:45:00.000-04:00

Bha Cam ag innse dhuinn mu Loki, a cat a tha a’ fuireach air an sgàil-thaigh aice. Uill, mi fhìn, tha dà thunnag agamsa. Tha iad a’ fuireach anns a’ ghàrradh agam agus tha iad air a dhèanamh de dh’umha. Chan eil ainmean aca, ach is toil leam iad gu mòr.

Mo chat

2006-07-01T13:23:00.000-04:00

‘S e Loki an t-ainm a th'air an cat agam. Tha mòran chait nam choimhearsnachd - cait bheaga, cait mhòra, cait aosda is cait òga. Tha cait gheala, dhubha, is ruadh, cait reamhar is cait thana ann, ach tha ach aon cat leacadh ann is tha e agamsa. Seadh a chàirdean, tha Loki leacadh. A thaobh air a bhith leacadh, tha Loki uamhasach sàmhach, modhail is chan eil e ag ithe mòran. Uill, a dh' innse na fìrinn, chan eil e ag ithe càil air sgàths gu bheil e dèante de meatailt agus tha e an còmhnaidh a' fuireach air an sgàil-thaigh agam faisg air an dorus.

Deireadh na Bun-Sgoile

2006-06-30T07:10:00.000-04:00

Bha an latha mu dheireadh aig mo mhac anns a’ bhun-sgoil aige ann am Muile an dè.

Bidh e a’ dol dhan àrd-sgoil anns an Òban às dèidh na làithean-saora. Chan eil ach 45 chloinne anns a’ bhun-sgoil aige, ach bidh 1200 anns an àrd-sgoil aige. Tha tòrr dhiofaran eile ann cuideachd. Feumaidh e fuireach ann an ostail a sheachdain agus cha tig e dhachaidh ach a dheireadh-seachdain.

Chan eil e ach 12 bliadhna a dh’aois, ach tha e a’ dèanamh fiughair mhòr ri dol dhan Òban. Tha amar-snàmh an sin ... agus taigh-dhealbh ... agus bùthan le geamannan coimpiutair ... agus msaa.

Ach mise, bidh mise ga ionndrainn gu mòr. Bidh mo nigheanan aig an àrd-sgoil anns an Òban mu thràth agus bidh mi gan ionndrainn gu dearbh. Ach nuair a bhios mo mhac a’ dol dhan àrd-sgoil, cha bhi clann agam idir aig an taigh a sheachdain. Och, mo chreach!

Anns a' mhadainn

2006-06-19T18:40:00.000-04:00

Glong glong glong glong glong. Còig uairean sa mhadainn. Tha mi nam dhùisg ach tha mi fhathast nam leapaidh. Tha mo shuilean dùinte. Anns an taigh chan eil mi a' cluintinn ach fuaim shàmhach gleoca. Tic tic tic. Tro na h-uinneagan fosgailte tha seinn na h-eòin a' tighinn. ‘S urrainn dhomh creidsinn gu bheil sìth anns an t-saoghal. Ach an-dràsda. . . às an t-sàmhchair tha mi a' cluinntinn fuaim car is i a' tighinn dlùth, is an uair sin. . . buille air an t-slighe taobh a-muigh. Tha am pàipear naidheachd air ruighinn le aithris mu dheidhinn ceannairc, goirt is ‘s dòcha tubaist bus sgoile an-dè. Bidh mi a' fuireach greiseag nam leapaidh ach a dh'aithghearr feumaidh mi èirigh is lorg na rudan matha lorg. Tha fios ‘am gum bidh iad ann, àiteigin. Feumaidh sinn uile an lorg.

Teine

2006-06-13T22:37:00.000-04:00

Bha 37 taighean anns a' bhaile bheag againn an t-seachdain seo chaidh, ach an diugh chan eil ach 36 ann. Loisg aon thaigh gu talamh am meadhan na h-oidhche. Gu fortanach cha d'fhuair duine bàs agus cha robh duine leònta.

Cha do dh'fhuirich duine sam bith anns an taigh sin. 'S e taigh làithean-saora a bh'ann. Thigeadh dithis do Mhuile 3 neo 4 uairean gach bliadhna agus chan fhuiricheadh iad ach airson beagan làithean. Cha robh iad ann am Muile nuair a bha an taigh na theine.

Trèanaichean tro na beanntan Apailèiseanach

2006-06-06T10:03:00.000-04:00

Bha an rathad-iarrainn gu math cudromach airson eachdraidh na sgìre seo. 'S ann air an adhbhar seo a tha taisbeanadh ùr aig an taigh tasgaidh far a bheil mi ag obair, taisbeanadh le trèanaichean modail scèile is iad a' dol tro na beanntan is tro na gleanntan agus seachad air bailtean, tuathasan, is mèinnean. Tha na trèanaichean a' còrdadh ris na inbhich cho math ris a' chloinn.

Àrd Ìre Ghàidhlig (Luchd-Ionnsachaidh)

2006-05-31T18:45:00.000-04:00

Dh'fheuch mi na deuchainnean Àrd-Ìre Ghàidhlig (Luchd-Ionnsachaidh) agam an-dè. Rinn mi na h-Àrd-Ìrean agam eile 28 bliadhna air ais!

Bha a' cheud dheuchainn mun "Simpsons" (am prògram air T.Bh.). Cha toil leam na Simpsons idir, ach cha robh an deuchainn doirbh. Bha na deuchainnean eile mu dh'Eige agus Latha a' Bhreacain ann an Ameireaga. Bha iad inntinneach.

Bidh mi fada a' feitheamh air an toradh ... gu 8mh den Lùnasdal!

anns an t-samhradh

2006-05-25T20:38:00.000-04:00

Cam: Uill, a chàirdean, tha i beagan fuar ann a sheo fhathast ach bidh teas an-samhraidh a' tighinn a dh'aithghearr. Dè tha dol far a bheil sibh? A bheil sibh air gàrraidhean a chur?

Ru-ra: Tha a' bhùth againn gu math trang. Tha mòran luchd-turais ann am Muile. Chan eil luchd-obrach gu leòr againn fhathast agus feumaidh mi obair a h-uile latha an-dràsta. Co-dhiù chan eil ùine agam airson a' ghàrraidh agus bidh e a' fàs fiadhaich. Ach tha mòran lusan fiadhaich ann agus tha iad brèagha - lusan nan coinnlean gorma gu h-àraidh.

Beathag: Obh, is fìor thoil leam lusan nan coinnlean gorma! Tha iad gu math cùbhraidh anns a' mhadainn, nuair a bhios an gàradh fionnar is dealtach... Chan eil mi air a bhith ag obair cus anns a' ghàradh o chionn ghoirid, ach thug na balaich botal cubhrachd mòr dhomh airson Latha nam Màthraichean. 'S e "Gàradh Fliuch" an t-ainm a th'air.

(Tha monopolaidh aig a' chompanaidh sin air fàilidhean neònach a dhèanamh. Tha "Leann Ràcadail" is "Taigh-Nighe" a' còrdadh rium cuideachd, ach saoilidh mi nach bu toil leam "Uir!")

Cam: Obh ‘s toigh leam a bhith ann an gàrradh fhliuch, ged a b'fheàrr leam gàrraidhean griannach. Gu mi-fhòrtanach chan eil gàrradh agam fhìn an dràsda, ach tha gàrraidhean le mòran chraobhan aig mo nàbaidhean agus bidh mi a' cluinntinn eòin fad' an latha.

San t-samhradh seo cha tèid mi dhan obair agam aig an taigh-tasgaidh idir; bidh mi a' fuireach aig an taigh is feuchaidh mi dà chaibideil de an tràchdas agam a sgrìobhadh. O chionn goirid, tha mi air a bhith leisg, ach a-nis feumaidh mi obair gu dìcheallach, gàrraidhean ann no às.

Bidh mise is Ru-ra ag obair. Dè mu do dheidhinn, a Bheathag? Am bidh thu aig an taigh a' cluich còmhla ri Vic san t-samhradh seo?

Beathag: Cha bhi, mo thruaighe! Bidh agam ri obair anns an leabharlann gu ceithir uairean feasgar gach latha -- ach bidh an duine agam a' fuireach aig an taigh còmhla ri Vic. 'S e tidsear a th'ann, agus bidh saor-làithean sgoile fada aige -- duine sealbhach! Bidh mise ag ionndrainn mo bhalaich, ach bidh spòrs gu leòr aca.

Tha Beathag na leabharlannaiche greannach. (Dealbh bho "Librarian Avengers.")

Ru-ra: < a' gàireachdach :) > Tha mise coltach ris an dealbh sin nuair a bhios i teth agus grianach as t-samhradh. Bidh mo chlann air an traigh gainmheil faisg air an taigh againn fad an latha, agus bidh mise ag obair a-staigh fad an latha.

Cam: Mo chreach! Cha chreid mi nach bi sinne ag obair san t-samhradh seo nuair a bhios ar clann a' cluich.

Io ho ho agus botal... bainne?

2006-05-08T10:09:00.000-04:00

"Dè an latha a th'ann an-diugh, a Mhamaidh? Dè an latha a bh'ann an-dè? Dè an latha a bhios ann a-màireach?"

Ach carson a bha e a' cur nan ceistean seo orm? Avast, ye scalliwags and scurvy knaves! Anns an taigh againn, 's e "Là Airson Bruidhinn mar Spùinneadair-Mara" a th'ann a h-uile latha.

Agus cò as coireach ri seo? Uill, ma tha -- a dh'innse na fìrinn, nuair a bha na leabhraichean Narnia againn a' tighinn gu crìch, dh'innis mi beagan sgeulachdan dha mu dheidhinn spùinneadairean-mara 's buinn-a-h-ochd 's an leithid, bho Treasure Island. Agus nuair a bha e ag iarraidh culaidh choimheach air Oidhche Shamhna, rinn mi brèid-sùla (no "eye-patch") dùbh air a shon, agus biodag le sgragall. Agus feumaidh mi aideachadh gun robh mi ga theagasg an t-òran, "Dè Bu Chòir Dhuinn Dèanamh leis an t-Seòladair Mhisgeach..."

Ach chan e droch mhàthair a th'annam! Air m' onair!

Co dhiù, tha an coire air na Muppets.

An dèidh dhuinn am film seo a choimhead, bha ainmean ùra oirnn. Is esan an còmhnaidh Long John Silver. 'S mise Captain Kidd (am bitheantas -- ach 'se Billy Bones an t-ainm a th'orm air uairibh, nuair a bhios e airson a' toirt dhomh "the black spot"). Agus an duine agam? Is esan Blind Pierre no an-dràsda 's a-rithist "an Spùinneadair-Mara le Aodann mar Ghobhar air." Ainm snog!

An t-seachdain seo chaidh, chaidh sinn dhan phàirc. Bha Long John Silver ag òl bainne, ach thuirt e gur a "grog" a bh'ann. Aargh, matey! Chunnaic mi gun robh cuid de na màthraichean -- na màthraichean eile le balaich -- a' dèanamh gàire. Ach nach robh sinn a' chur dubh-ghràin air màthraichean nan caileagan!

Turas-sgoile

2006-05-04T18:00:00.000-04:00

Nuair a bha sibh anns an sgoil, an deach sibh air turas-sgoile? Bha mise anns an sgoil mòran bhliadhna air ais, ach tha cuimhne agam tadhail air taigh-staile. Ach chan eil turas-sgoile mar sin na làithean seo.

'S ann an dhan Spàinn a thèid mo nighean nas òiga leis an sgoil anns an t-Òg-Mhios. Agus 's ann do dh'Ameireaga a thèid mo nighean eile leis an sgoil airson cola-deug anns an Dàmhair. Chan robh mise a-riamh anns an Spàinn neo ann an Ameireaga. Nach eil sealbh air clann an là an-diugh?

Cam aig an t-Sabhal Mhòr

2006-05-01T12:51:00.000-04:00

Bha Cam ann an Alba o chionn ghoirid – aig Sabhal Mòr Ostaig gu dearbh.

Ru-ra: Fàilte air ais, a Cham. Bha sinn gad ionndrainn. Chan eil mise riamh air a bhith dhan t-Sabhal Mhòr. Feumaidh tu innse dhuinn a h-uile rud. An robh an cùrsa agad doirbh neo furasta? Cia mheud duine an robh anns a’ chlas agad? Dè rinn thu anns a’ chlas?

Cam: Uill, bha ochdnar anns a' chlas agam. Thàinig mise is tè eile bhon na Staitean is bha an còrr à Alba. ‘S e Dolina NicLeòid a bh'ann an tidsear againn; tha ise na Hearadh. Bha i snog ach bha e beagan doirbh dhomhsa a blàs a thuigsinn. Bhruidhnimaid mòran anns a' chlas agus sgrìobh sinn agus leugh sinn cuideachd.

Feasgar Diciadain chaidh sinn gu Portrigh airson "class outing." Gu mì-fhortanach, bha an t-uisge ann fad'an latha is "lean sinn dlùth tro shràidean Phortrigh"** ach bha sinne bog fluich! An uair sin ghabh sinn srùbag mhath aig Café Arriba agus thill sinn do Shabhal Mòr.

Dh'fheumamaid òran a sheinn aig a' chèilidh oichdhe Diardaoin ach cha b'urrainn dhuinn sam bith seinn idir idir. Mar sin, thàinig Christine Primrose dhan a' chlas againn. Dh'ionnsaich i dà òran dhuinn agus sheinn i còmhla ruinn aig a' chèilidh cuideachd. Air sgàth sin, sheinn sinn uamhasach math. Taing dhut, a Chairistìona!

Choinnich mi ri mòran dhaoine snog aig SMO fiù Nìall Beag agus Slèite. Thàinig Eilidh aig deireadh na seachdaine is an uair sin choinnich sinn ri Coinneach Cìr agus Graisg. Chòrd rium an t-àm agam aig Sabhal Mòr Ostaig agus ann an Alba agus chòrd rium na daoine a thachair mi ann a seo!

** A bheil sibh eòlach air an òran le Blair Douglas?

Ru-ra: Tha sin iongantach, a Cham. Bu fìor toil leam dhol an sin latha de na làithean. 'S dòcha an ath-bhliadhna ...

Coineanaich

2006-04-20T19:03:00.000-04:00

Tha mòran choineanach a’ fuireach air an fheurach coitcheann faisg air an taigh againn. Bhiodh cat againn. Chumadh an cat na coineanaich a-mach bhon gàrradh againn. Ach bhàsaich an cat an uiridh. (Bha i 18 bliadhna a dh’aois.) Agus a nis ... ‘s ann anns a’ gàrradh againnse a tha na coineanaich ... agus 's e cladhaich a thog iad anns an fhaiche.

Chan eil an duine agam toilichte idir. Bidh na coineanaich ag ithe nam flùraichean agus tha toll mòr anns an fhaiche.

Ach tha cuileanan-coineanaich ann an dràsta agus tha iad cho snog. Is fìor thoil leam coimhead orra.

Mar sin, dè bu chòir dhuinn a dhèanamh? Tha an duine agam airson tron dachaidh a chladhaich. Tha a’ chlann ag iarraidh cat eile. Agus mise? Chan eil fhios agam. Chan eil mi airson an dachaidh a sgrios idir, ach chan eil fhios agam ma tha mi deiseil airson cat eile, agus tha na cuileanan-coineanaich grinn, nach eil?

Càite air an t-saoghal an robh Eilidh agus Cam?

2006-04-15T19:18:00.000-04:00

"Tha an dorus buidhe is còig sgrìobhte air," ars' an guth air a' fòn. OK ma tha. Choisich mise is Eilidh tron na sràidean den bhaile beag snog gus an do ràinig sinn aig còig. Bha duine àrd is a bhean chàirdeil ann còmhla ris na coin is a' chat geal aca. Bha sinn a' bruidhinn mu dheidhinn Gaidhlig is an t-saoghail. An uair sin choisich sinn anns a' ghàrradh is làimh ris an abhainn far an do choimhead sinn air na lusan is na lachan. Mu dheireadh thall fhuair sinn fish and chips bhon a' chippie air an oisin. 'S e latha math a bh'ann gu dearbh, ach càite an robh sinn?

"tha fhios agam far a bheil mi a' dol"

2006-04-05T09:20:00.000-04:00

Chan eil mi air a bhith a' sgrìobhadh air a' bhlog againn cho tric a chionn 's gun robh mi beagan tinn. Ach tha mi a' faireachdainn fada nas fheàrr a-nis agus tha mi airson a bhith a' sgrìobhadh is ag ionnsachadh a-rithist mar bu ghnàth leam.

A' mhìos seo chaidh, bha agam ri fuireach san leabaidh gu minig. Cha robh e cho dona, ge-tà -- rinn an duine agam rudeigin sgoinneil airson cur-seachad. (Tha mi gu math fortanach; 's e duine iongantach a th'ann is tha mòran smuaintean èibhinn aige.)

Rinn an duine agam taigh-dhealbh prìbheideach anns an seòmar-cadail againn! Ghabh e iasad de thilgeadair bhon sgoil aige 's chan robh e fada mus robh mi a' coimhead filmaichean air a' bhalla.

An toiseach, choimhead mi am film "Tha Fhios Agam Far a Bheil Mi a' Dol."

A bheil sibh eòlach air an fhilm seo? Ainm neònach, nach e? Ach 's e seann fhilm a th'ann 's nam bheachdsa tha e fìor thaitneach -- agus chaidh a dhèanamh ann am Muile. 'S urrainn dhut tòrr Gàidhlig a chluinntinn anns an fhilm. (Uill, tha fada a bharrachd de Ghàidhlig anns an fhilm seo na tha sinn a' cluinntinn anns a' mhòr-chuid de filmaichean romansach mu dheidhinn Alba.) Agus tha mi a' smaoineachadh gu bheil e a' cur urram air cultar na Gàidhealtachd ann an dòigh neònach, aotrom.

Beagan "trivia" bhuaibh: bha Rù-ra ag innse dhomh gun robh an seanair aig an duine aice ag obair mar "extra" anns an t-sealladh leis a'bhàta anns an fhilm seo. Nach e saoghal beag a th' ann?

Oops!

2006-03-28T17:46:00.000-05:00

Sanas aig a’ chidhe-aiseig anns an Oban.
Bu chòir dhaibh a bhith air An Dearbhair ùr ùisneachadh!

'S e geamhradh a th'ann fhasthast

2006-03-20T23:50:00.000-05:00

Sgrìobh mi an dè gun do ràinig mòran luchd-turais ann am Muile Didòmhnaich. Bha iad airson dol do dh’Eilean Idhe. Mar sin, rug iad air a’ chiad bhàt’-aiseig bhon Òban gu Creag an Iubhair (Muile). An uair sin dhràibh iad tro Mhuile gus an do ràinig iad Fionnphort aig meadhan-latha. Bha trì uairean aig na luchd-turais airson beirsinn air a’ bhàta eadar Fionnphort agus I (cha bhi an turas a’ toirt ach 10 mionaidean a thìde), cuairt timcheall I a dhol agus beirsinn air a’ bhàta air ais do Fhionnphort. Trì uairean – àm gu leòr, nach e? Chan e ...

A dh’aindeoin na h-aimsire bhrèagha, ‘s e geamhradh a th'ann. Beiridh am bàta 250 luchd-aiseig as t-samhradh, ach chan fhaod am bàta ach 50 luchd-aiseig a bheirsinn anns a’ gheamhradh (riaghailtean sàbhailteachd). AGUS a rèir a’ chlàir-ama gheamhraidh chan e ach aon bhàt-aiseag gach uair.

A bheil thu math air matamataic?

5 busaichean @ 50 duine an urra ≠ dà bhàta @ 50 duine an urra

Mar sin bha a’ bhùth agus an taigh-seinnse ann am Fionnphort dian-trang gu dearbh.

Agus, gu h-obann, aig 3.15f dh’fhag na luchd-turais anns na busaichean aca airson beirsinn air a’ bhàt-aiseag mu dheireadh dhan Òban. Agus bha Fionnphort sàmhach a-rithist.

Bidh an samhradh a’ tighinn.

2006-03-19T21:31:00.000-05:00

Bith an samhradh a’ tighinn. ‘S e còig busaichean-turais a ràinig an seo an diugh.

a dèanamh siorap bho chraobhan

2006-03-19T09:34:00.000-05:00

An t-seachdain sa chaidh rinn sinn siorap aig an taigh-tasgaidh far a bheil mi ag obair. Thàinig mòran luchd-tadhail airson ar cuideachadh fiù ‘s gun robh i fuar an latha sin. An toiseach tholl Oscar na craobhan (Acer saccharum, neo sugar maple, anns a' Bheurla) is chruinnich e an sùgh ann an cuinneagan. An dèidh sin ghoil e an sùgh. Bidh e coltach ri uisge, ach bidh e beagan milis. Feumaidh sibh faisg air leth-cheud galanan sùigh a chruinneachadh airson aon galan sioraipe a dhèanamh! Bha sinn ag obair fad an latha is cha do rinn sinn ach aon galan sioraipe, ach abair siorap mhath!

uair dhen t-saoghal...

2006-03-13T10:35:00.000-05:00

Beathag: Bidh sinn a' faighinn mòran fhreagairtean inntinneach dhan bhlog againn. O chionn ghoirid, dh'fhaighnich Liam dhuinn (an siud) ciamar a thachair sinn ri chèile. Uill, uair dhen t-saoghal...

Cam: ...bha triùir bhoireannach ag ionnsachadh na Gàidhlig agus bha sinn uile nar ball de fòram ris an canar savegaelic.org.

Ru-ra: Agus bha dithis daoine anns an fhòram sin. 'S e Cadalach agus Graisg na h-ainmean a bh'orra...

Beathag: agus bha iad a' fuireach còmhla ri an caraidean ann an Tìr nam Blogaichean Gàidhlig. 'S e àite iongantach a bh'ann an Tìr nam Blog!

Ru-ra: Aon latha, sgrìobh Graisg post-d gu Ru-ra: “A Ru-ra, Bu chòir dhut blog a sgrìobhadh. Tha e spòrs agus thig leasachadh air a’ Ghàidhlig agad.”
Ach sgrìobh Ru-ra air ais: “O, cha bu chòir, cha bu chòir, cha bu chòir. Chan eil fios agam dè sgrìobhainn ann am blog agus chan eil ùine gu leòr agam.”

Cam: Sgrìobh Graisg an aon post-d gu Cam. Thuirt e gum bhiodh a' chuid Ghàidhlig aice a' dol am feabhas troimh sgrìobhadh, agus cha chreid i nach robh e ceart.

Beathag: Air an latha fhèin, sgrìobh Cadalach post-d gu Beathag: "Mo chreach, a Bheathag, tha beagan Gàidhlig agad, mu dheireadh thall! Bu chòir dhut blog a sgrìobhadh cuideachd." Ach thuirt Beathag leatha fhèin: "Och, chan urrainn dhomh sin a dhèanamh nam aonar!" Agus smaoinich i mu dheidhinn nam banacharaidean ùra aice air an fhòram.

Ru-ra: Agus sin e - 's e coire Bheathaig (agus Ghraisg & Chadalaich)!

Cill Rìmhinn an aghaidh Muile

2006-03-10T07:45:00.000-05:00


Cill Rìmhinn	Muile

Nach eil Alba bòidheach? Chaidh mi do Chill Rìmhinn an t-seachdain seo chaidh agus thill mi do Mhuile an ath latha. Tha aig an dà dhiubh:

tràighean mòra ghaineamheach
mòran luchd-turais
iomadh làrach arsaidh

Ach ‘s fheàrr leam Muile. Chan eil Muile cho fuar ri Cill Rìmhinn (a dh’aindeoin na bhios na dealbhan seo a’ sealltainn) agus tha na beanntan Muileach nas motha, na monaidhean nas riasgail, na creagan nas sgorach … (Tha deòin-bhàidh agam ri Muile, co-dhiù!)

Caoraich

2006-03-07T08:00:00.000-05:00

Gàrradh-aghaidh no gàrradh-chaorach?

Na biadh roinneil againn

2006-03-02T21:23:00.000-05:00

Cam: Sgrìobh Crunluath o chionn ghoirid (air an fhòrum) mu dheidhinn "skirlie" is a-nis tha mi a' smaointinn mu dheidhinn bidhe roinneil, neo "regional food" mar a chanas iad anns a' Bheurla. Chan eil mi air skirlie ithe idir, ach tha pailteas bidhe roinneil againn anns na beanntan de Tennessee, rudan mar hama is cornbread is "ramps." Tha am ramp a' buintainn don aon teaghlach ris an uinnean is tha blas uamhasach laidir annasach air. Bidh na daoine an seo ‘gan ithe as t-earrach airson na slàinte.

A chàirdean, dè an seòrsa bidhe roinneil a th'ann, far a bheil sibh a' fuireach?

Ru-ra: ‘S e buntata ‘s sgadan saillte a th’anns am biadh dualchasach ann am Muile – sgadan a tha air a bhith grèidhte ann an uisge saillte. Bidh thu a’ bruich na sgadain saillte ann am fìor-uisge, an uair sin bidh thu a’ tilgeadh an uisge a-mach, gam bruich a-rithist ann am fìor-uisge ùr, a’ tilgeadh a-rithist an uisge a-mach agus mar sin air adhart ceithir no còig uairean. Mura biodh tu a’ dèanamh seo 4-5 uairean, bhiodh na sgadan ro shaillte.

Beathag: Chan eil mi cinnteach gum biodh sgadan saillte a' còrdadh rium, ach tha mi deònach a bhith gam feuchainn! 'S docha gum biodh iad math le "fried green tomatoes..." An robh sibh air tomato anabaich ithe idir? Mura frighig thu iad le salann is piobar dubh is cornmeal, chan eil iad glè bhlasda...
Dealbh bho am blog aig Jenny Vorwaller.

Ru-ra: “Tomato anabaich” … is neònach leam sin.
‘S toil leinn mìlseanan ann an Alba. An do bhlais sibh riamh air bonnach-praise (“Clootie Dumpling")? Tha e beagan coltach ri cèic-mheasan ach ceangailear e ann am brèid agus bruichear e fad trì uirean. ‘S ann blasda a tha e … blàth no fuar.
Dealbh bho Scots Magazine, ach 's fheàrr leam an reasabaidh air Country Life.

Cam: Uill, chan eil mi air bonnach-praise ithe nas motha, ach tha an t-acras mòr agam!

Beathag: Ma tha an t-acras ort, a Cham, carson nach eil thu a' dol gu "fèis nan ramps?" (Yuck.)

Cam: Tiugainn!

Bidh an t-earrach a' tighinn

2006-02-24T18:41:00.000-05:00

Seadh. Tha fios ‘am. Tha i fuar taobh a-muigh is bha i a' cur sneachd a-rithist a-raoir. Tha ceithir oirlich sneachd air an talamh an seo anns a' ghleann is tha seachd neo ochd oirlich shuas na beanntan. Anns na pàircean chithear slaodanan an àite baidhsagalan. Bidh a h-uile duine a' cur oirnn ad is miotagan.

Ach a dh'aindeoin sin, tha mi cinnteach; tha an t-earrach gu firinneach a' tighinn. Tha fios ‘am o chionn 's gu bheil mi air na comharrachaidh fhaicinn anns na craobhan. Chan eil duilleagan ann fhathast ach tha atharrachaidhean eile a' nochadh.

Bidh an snodhach a' ruith cheana anns na craobhan ris an canar "sugar maple" anns a' Bheurla (Acer saccharum) is bidh sinn a' dèanamh siorap a dh'aithghearr. 'Se comharradh eile a th'ann gu bheil na gucagan a' fàs nas motha air na geugan. Seo agaibh dealbh nan gucagan air coin-bhile (Cornus kousa) anns an gàrradh agam.

Na h-àiteachan far a bheil sinn a' fuireach

2006-02-16T18:14:00.000-05:00

Tha an triùir againn a' fuireach aig astar ann an àiteachan dìofaraichte, ach ‘s dòcha bu bheil iad coltach cuideachd.

Cam: Tha mise a' fuireach anns a' phàirt de na Staitean Aonaichte ris an canar na Appalachians. Chan eil na beanntan seo ro àrd, ach tha iad uabhasach fiadhaich. A bharrachd air sin, tha iad mìorbhaileach alainn, nam bheachdsa co-dhiù.

Beathag:
Tha mi a' fuireach anns na Beanntan Apailèiseanach cuideachd, mu dhà cheud gu leth mìle air falbh bhuat, a Cham. 'S ann ann an Gleann Shenandoah a tha mi a' fuireach. Tha an gleann glè cheòthach 'sa mhadainn, ach àillidh gu dearbh. Èiridh a' ghrian os cionn nam beann gach madainn nuair a bhios mi a' dràibheadh dhan obair.

Ru-ra:
Tha mòran bheann againn ann am Muile cuideachd - 's e Beinn Mhòr an t-ainm a th'air an tè as àirde. (Ainm mac-meanmnach, nach e?) Thig mòran luchd-turais an-seo a h-uile bliadhna. Cha tig iad ach airson na beanntan fhaicinn (neo a streap), tha tràighean gainmheil, uillt, iolairean, dòbhrain, ròin agus caisteal ann cuideachd. Agus thig mòran dhaoine an seo airson dhol a-mach air bàta gu Staffa airson Uamh Fhingal fhaicinn, neo air a' bhàt-aiseig do dh'Eilean Idhe (ach aon mhìle a Muile). Am faigh an dithis agaibh mòran luchd-turais?

Beathag: Gheibh. Tha mòran dhaoine a' tighinn dhan àite seo airson a dhol air saor-làithean, no airson cèilidh air oileanaich aig University of Virginia. Stèidhich Thomas Jefferson an t-oilthigh ann an 1819, agus bha e na dealbhadair thoglaichean cuideachd. Bha Edgar Allen Poe na oileanach an-seo agus bha William Faulker na ollamh. Ach mur eil thu dèidheil air eachdraidh no litreachas, is dòcha gum b' fheàrr leat fìon òl! Tha tòrr fìon-liosan ann an seo.

Cam: Gheibh mòran luchd-turais an seo cuideachd, ged a tha an t-aite seo beagan iomallach air sàilleabh nam beann. Thig daoine gu h-àraidh as t-samhradh airson na slighe Apailèiseanaich a choisich. Bidh an t-slighe seo a' dol tron beanntan fad barrachd air dà mhìle mìle bho Georgia gu Maine Thig luchd-turais eile, a nach bu toil leotha streap, airson dràibhidh tron beanntan air a' Bhlue Ridge Parkway. Is thig daoine eile airson iasgaich neo càmpachaidh; thig duine cuideachd airson dealbhan a pheantadh no a thogail le camara. Bhiodh e nas sàmhaiche anns a' bhaile seo a gheamhradh ach tha oilhigh mòr roinneil ann is cha chreid mi nach eil càr aig gach oileanach!

Ru-ra: Bidh Muile gu math sàmhach a gheamhradh. Bidh mòran thàladhan stèidhichte airson luchd-tadhail agus àiteachean-fuirich dùinte. Còrdaidh e rium gu mòr mar sin. Bidh àm ann airson chlasaichean Gàidhlig agus spòrsa.

faclan ùra

2006-02-11T13:19:00.000-05:00

‘S toil leam faclan ùra ionnsachadh ann an Gàidhlig a cheart cho math ri Beurla. Bidh mi daonnan a' dèanamh liostan fhaclan inntinneach is an uairsin feuchaidh mi ri 'n cleachadh. Thachair gun d'fhuair mi facal ùr math math o chionn greis. Obh mo chreach. Abair facal snog! ‘S toil leam an fhuaim dhe, is ‘s toil an cruth dhe, fiù ‘s ged nach toil leam an rud a tha e a' ciallachadh. Dè tha am facal iongantach seo? Uill, seo e: hù-pàp. Chan eil e nam fhaclair, ach a rèir mo charaid a thug mi e, tha e a' ciallachadh seòrsa de ùpraid, ‘s dòcha ùpraid dhona. Hù-pàp.

Tha faclan eile le cèill co-cheangailte, mar eisimpleir, hòrò-gheallaidh is hù-bhitheil is bùrach is cuideachd rù-rà, an frith-aimn aig mo charaid à Muile. ‘S i Ru-ra an tè a theagaisg "bùrach" dhomh. Thuirt Ru-ra ged a tha ‘s e facal Gàidhlig a th'ann, bidh pàrantan Muileach 'ga chleachadh fiù ‘s ann an còmhraidhean Beurla. Bidh iad uaireanan ag ràdh dhan chloinne aca, "Go and tidy your room; it's in a right bùrach!" ‘S truagh a tha mo chuid chloinne air fàs suas is chan urrainn dhomh am facal seo a chleachadh leotha a-nis.

Bàtaichean-aiseig

2006-02-05T11:23:00.000-05:00

Feumaidh mi dhol dhan Òban (air tìr-mòr) a-màireach airson coinneimh. Bidh a’ choinneamh aig 7.30 f agus crìochnachaidh i mu 9.30 f, ach cha bhi aiseagan air an oidhche. Feumaidh mi breith air a’ bhàt-aiseag mu dheireadh agus tilleadh air a’ cheud bhàt-aiseag an ath latha. ‘S ann naoi uairean dheug a bhios mi air falbh airson coinneimh dà uair-a-thìde! Bu toil leam gu mòr aiseagan tron oidhche.

a' chiad chòmhradh

2006-01-31T16:06:00.000-05:00

Beathag: Uill... aig toiseach gnothaich, saoilidh mi gum b'fhiach dhuinn bhruidhinn mu dheidhinn a' bhlog seo. Tha mi den bheachd gum bi e nas fheumaile dhomsa! Tha deagh Ghàidhlig agaibhse a cheana. Tha mise coltach ris a' bhalaiste anns a' bhàta!

Cam: Obh, chan eil, a charaid. Cha chreid mi nach eil sgioba triùir ann anns a' bhàta seo. Tha neach-ionnsachaidh ùr a th'annad (gu dearbh, tha sinn uile 'nar luchd-ionnsachaidh), ach tha thusa ag ionnsachadh gu luath. Cùin' a thòisich thu Gàidhlig ionnsachadh agus carson?

Beathag: 'S e bàta math a th'ann an seo, nach e? Chan eil aoidean ann fhathast -- agus tha i a' seòladh gu math...

Tha mi air a bhith ag ionnsachadh Gàidhlig fad ceithir mìosan, a Cham. Carson? 'S e ceist inntinneach a th'innte! A dh'innse na fìrinn, tha mi a' smaoineachadh gun robh mi beagan an-fhoiseil... Bha an tràchdas agam crìochnaichte agus cheumnaich mi bhon oilthigh. Agus cha robh mo mhac na naoidhean tuilleadh 's mar sin chuir mi romham beagan Gàidhlig ionnsachadh. Bha mi airson rudeigin ùr ionnsachadh.

Ru-ra: An ann ach fad ceithir mìosan a tha thu air a bhith ag ionnsachadh Gàidhlig, a Bheathag? Tha sàr Ghàidhlig agad. Bidh thusa a' toirt cuideachadh Gàidhlig dhomhsa agus do Cham.

Thoisich mise ri Gàidhlig ionnsachadh o chionns gu bheil mòran ainmean-aite Gàidhlig ann am Muile agus bha mi airson tuigsinn dè chiallaich iad.

Agus, a Cham, carson a thòisich thusa ri Gàidhlig ionnsachadh?

Cam: Uill, ‘s ann a chunnaic mi leabhar, o chionn seachd bliadhna, ann an leabharlann. ‘S e leabhar làn òran luaidh a bh'ann. Chòrd na h-òrain seo gu math rium ‘s bha mi ag iarraidh gan leughadh anns a' Ghàidhig seach Beurla. An deidh sin, fhuair mi "Cothrom Ionnsachaidh" le Ronald Black 'is thoisich mi air Gàidhlig ionnsachadh cho luath 's bha agam!

Beathag: Bha mise agus mo chèile ann an "taigh dubh" anns an t-Eilean Sgitheanach mu choig bliadhna air ais. Cha b' e croit a bha anns an taigh dubh idir; b' e taigh-tasgaidh a bh'ann. Ach bha seann chroitear a' tighinn air chèilidh air nighean a bha ag obair anns an taigh-tasgaidh. 'S dòcha gur am bodach a seanair. Bha Gàidhlig àlainn aige -- agus aicese cuideachd. Bha e dìreach mìorbhaileach ga chluinntinn. Bha e a' còrdadh rium glan.

A bheil cuimhne agaibh nuair a bha sibh a' cluinntinn na Gàidhlig a' chiad àm no a' faicinn dhaoine a' bruidhinn na Gàidhlig airson a' chiad uair?

Cam: Bha mi air Gàidhlig a chluintinn air teipichean, co-dhiù, ach cha chuala mi Gàidhig beò gus an robh mi ann an Inbhir Nis sia bliadhna air ais. Bha mi ‘nam shuidhe air bus, ‘is chuala mi nighean òg a' bruidhinn ris an dràibhear. An toiseach, cha b'urrainn dhomh ga tuigsinn idir, ach an uair sin, chuala mi rudeigin mar: aig cairteal gu trì. Obh nach robh mi aoibhneach!

Ru-ra: Ge-tà chan eil Gàidhlig aig mòran daoine an-seo, bidh duine sam bidh daonnan a’ gabhail òran Gàidhlig aig cèilidhean agus ‘s ann air a h-uile turas a their glaodhaire na h-aiseige: “Tha an sgiobair agus an sgioba a' cur failt' oirbh air bord am bàt-aiseig 'An t-Eilean Muileach'. Tha sinn an dòchas gun còrd an turas ribh.”

Sin agaibh e a-nochd! Oidhche mhath!

Cò Beathag?

2006-01-28T15:50:00.000-05:00

Tapadh leibh, a-huile duine, airson na fàilte bhlàth do shaoghal nam blogaichean Gàidhlig! Tha sibh eòlach air Ru-ra agus Cam a-cheana. 'S mise Beathag, agus 's e an turas agam an-dràsda.

Tha mi air a bhith ag ionnsachadh na Gàidhlig o chionn greis agus tha an cànan a' còrdadh rium fìor mhath. Thòisich mi air Gàidhlig ionnsachadh mu cheithir mìosan air ais. Chan urrainn dhomh Gàidhlig a bhruidhinn no a sgrìobhadh gu math fhathast, ach tha mi a' feuchainn cho math is urrainn dhomh! Tha e nas fhurasta dhomh a bhith ga leughadh.

Tha mi a' fuireach anns na Stàitean Aonaichte agus tha mi ag obair anns an leabharlann aig oilthigh mòr. Chan eil mi 'nam leabharlannaiche, ma tha; 's e ollamh a th'annam. Tha mi pòsda. 'S e tidsear a th'anns an duine agam, agus tha mac òg againn. ’S e Vic an t-ainm a th' air. Tha Vic dà bhliadhna a dh'aois. Is dòcha gum bi mi a' sgrìobhadh gu tric mu a dheidhinn! "Obh, mo chreach!" bidh sibh ag ràdh a-nis. (Tha mi duilich! ach 's e mamaidh a th'annam!)

Cò Cam?

2006-01-26T14:04:00.000-05:00

Hai. 'S mise Cam. Tha mi a' fuireach anns na beanntan de East Tennessee, ‘s tha mi air a bhith ag ionnsachadh Gàidhlig airson seachd neo ochd bliadhna. Tha ceathrar chloinne agam a bheil bho 22 gu 42 bliadhna a dh'aois agus tha ceathrar oghaichean agam cuideachd. ‘Se tidsear ‘s oileanach a th'annam ‘s tha mi ag obair ann an taigh-tasgaidh.

Fàilte a h-uile dhan a' bhlog againn.

Cò Ru-ra?

2006-01-21T20:00:00.000-05:00

Uill ... 'S ann ann am Muile (Alba) a tha mi a' fuireach. Tha mi ag obair ann am bùth - 's e a' bhùth agam fhìn agus aig an duine a th'innte. Tha mac agus dithis nigheanan againn. Tha ar mac 11 bliadhna a dh'aois agus tha na nigheanan 14 & 16. Tha sinn a' fuireach ann am baile beag. Chan eil ach 37 taighean anns a' bhaile, ach bidh e gu math trang 'san t-samradh. Thig 250,000 luchd-turais an seo a h-uile bliadhna.

Tha mi air a bhith ag ionnsachadh Gàidhlig fad còig bliadhna agus tha i a' cordadh rium gu mòr. 'S e cànan àlainn a th'innte.

Bidh mi a' dèanamh fiughair ri cur aithne air Beathag agus Cam.

Latha de bhrot taitneach

2006-01-20T14:26:00.000-05:00

(le leisgeul do A Day of Pleasant Bread le David Grayson)

Cam: Hello. ‘Is sinne Beathag, 's Cam, ‘s Ru-ra. Tha sinn nar banacharaidean, 'is se seo am blog ùr againne.

Se Cam an seo. Nuair a bha mo chuid chloinne òg òg, bha banacharaidean eile agam aig an robh fhèin clann òg. A h-uile seachdainn bha sinn a' cruinneachadh airson brot ‘s arain neo saileid a dhèanamh. Agus an còmhnaidh – còmhradh. Bhiodh sinn ag ithe ‘s a' bruidhinn mu dheidhinn ar cloinne, a´ bhaile againn, an t-saoghail. Gu dearbh, an dèidh iomadh bliadhna, tha sinne nar deagh chàirdean fhathast..

A-nis bithidh Beathag ‘s Ru-ra nan caraidean ùra agam. Bithidh sinn uile ag ionnsachadh Gàidhlig ‘s bithidh sinn a' cruinneachadh anns a' bhlog seo airson càirdeis, agus tha mi'n dòchas, chòmhraidhean taitneach.

Beathag: Mar a sgrìobh mo bhanacharaid, tha sinn an-seo airson barrachd air brot ithe agus a bhith a' cabadaich ri chèile! (Ach chan eil na cur-seachadan seo cho dona idir! 'S toil leibhse biadh math is còmhraidhean inntinneach cuideachd, nach toil?)

Bidh sinn a' sgrìobhadh ar beachdan 's teachdaireachdan beaga eile gach seachdain ach gu h-àbhaisteach bidh sinn a' bruidhinn ri chèile mu dheidhinn rudan a tha inntinneach dhuinn. Tha sinn ag iarraidh sgrìobhadh aon "còmhradh" gach mìos, air a' char as lugha!

Tha sinn an dòchas gum bi am blog againn dibhearsaineach san àm ri teachd. Agus dé mu dheidhinn a' bhrot? Tha mise dìreach an dòchas nach dèan sinn brochan dheth!